(:: لا جيتي مره تسالي / واتقولي الجربا / نعم . . ؟ ::)

..

مساكم الله بالخير الجميع :

وعساكم اتكونون بخير وعافيه





جبت القوافي والشعر / والقاف للمعنا زهم
حتى حروفي بالفخر / تكتب على سطر الكتاب

حنا هل النخوى ترى / من مبطي الماضي علم
وحنا هل الفزعا ترى / في عزنا نكسر رقـاب

وحنا على درب الفخر / نمشي ولا صحنا ندم
ما غير نفخر بالفخر / وانلبس العزه ثـيـاب

لا جيتي مره تسالي / واتقولي الجربا / نعم
بــ اردلك واقول لك / شوفي الثريا والسحاب

تلقين في عزي سما / وتلقين في طبعي قمم
وتلقين في قربي سعد / والموت هجري / والغياب

حتى المنام وراحته / ضيع متاهات الحلم
والليل وحشه سهرته / والنور محجوب بضباب

حتى القوافي والشعر / في غيبتي صاحو ندم
وحتى الكواكب والفلك / من عزتي صاحو عذاب

حتى القلم وهو قلم / يسال رحيمه ما رحم
وش فيه نواف الشبل / غايب ولالله بالعتاب

لاني رحيمه من صغر / ولاني على جاه القلم
اكتب حروفي والشعر / والقاف للمهره خطاب

سراب يا بيت االاصل / صرتي مع واطي القدم
واعتاب قلبي عاتبن / والموت منه من عتاب

وده يشيلك يهجرك / وايرتب اوضاع الهمم
وايعيش عزه والفخر / وايرجع ايام الشباب

والله راسي شايب(ن) / والقلب مطعون بسهم
برحل واودع ناضرك / وانسى حروفك والعذاب


وسلامتكم بقلمي المتواضع