قصيدة بالشيخ مهيد الهباس

السلام عليكم ورحمة الله وبركاته
هذه القصيدة رد ثناء بالأخ الشيخ مهيد بن صالح بن مطلق الهباس ...وذكر بعض أفعال شمر
*********************************
يا راكب اللى يامشى يطوي البيد
منوت غريبٍ منتوي شوف داره

في مصنع اليابان ويزن ولا أزيد
جـيبٍ جـديـد بنـمرةٍ وأســـتمـــاره

يطوي طويلات الخطوط السراميد
ولوطـــــال خطــه ما تقوم الحـراره

يسبق عواصيف الهـوى بالرواعيد
وعنده صعـــود القـــاع مثل إنحداره

عليه من قـــالــو عليه الــقـواصيد
قرمٍ يقول الـــدرب عـــنــدي خــباره

مــدة ثلاث سـاعـات خطك بتـأكيد
ياصـــل من بالخـــط واضـح مسـاره

قلت أوصله لو صار عندك شواهيد
تـعَرف مـن نـاصـيـة يـابـن الـنـمـاره

منـصـاك بـيـتٍ لـلنـشـامـا مـواعيـد
مـدهـال دسـميـن الـشـوارب مــــداره

متبين(ن) لـو قـلت لـك كـنها الحـيد
لـو هـوبـصحـاري تنـضره تقـل قــاره

وحـول وشـوف البـاب مـابه لـواديد
مـفـتـوح للـضيـفان لـيل ونـهــاره

لـيـا لـفـيـت الـبـيـت قــرم الأوالـيد
تـلقـى الـدلال مـراكيـه وسـط ناره

تـلقـى مـع الرسلان بيـض البغاديد
يـعجبـك يـا حـولــت ريـحـة بهـاره

فــي مجـلسٍ مابـه سـوالف هرابيد
سـوالفٍ بــا الـطــيـب لـهـم تجــاره

وياساح صدرك عند هاك الصناديد
مــع المـزعفر يعجبك فــي شقــاره

يجـي مـجـال وقــول وقتـي بتحديد
مـار أسمحـولـي وأختـصر للزيـاره

يـا مكرمين الضيف عندي مواعيد
يـا أهـل الـصحـون اللـي قـديمٍ ذكاره

أنا عنيت بخط مـا أنقص ولا أزيد
لأبـن الــرجــال اللـي وفـيـّه شـبـاره

تعطي كتابي مهيدفي مجلس مهيد
أبيــه يـقــرأ مــا تـضـمـن سـطــاره

تـضـمـن سلام عـد وبل الرواعيد
وعـدة نجوم(ن) با الخضيرى مداره

زيّـد سـلامـي وقـل عنـه التناشيد
سـلامٍ أحلــى مـن العسـل بالغضاره

يهـدى لمـن نـال الفخر والتماجيد
يــوم(ن) ولـد الـلاش تـقصـر نظاره

والطيب لهل الطيب ماله حواديد
وأهــل الــردى مـا قيـل فيـهم جداره

والمرجلـة مـا حصلة كل رعديد
ولا تـنشـرى وتـبــاع مـثـل التجـاره

ولو به بساطه كل من ثار أبازيد
حـتــى الهـلالـي مـالـفعـلـة عـبــّاره

مـار المـراجـل ما تجي للملابيد
وكــبر الـــسوالـــف ما تكبر اصغاره

المرجلة لـلـي أنتخى نخوة مهيد
يــوم نـصـيتـه قــال هـانـت عـسـاره

مفراص ماص(ن)للقفول البواليد
يــقـص فـــولاذ الـحـديــد بـشـطــاره

يا صاربدروب العرب فيه تنكيد
واحتـار به مـن شـاف مظلم نهـــاره

ياجيت أبن صالح تهون اللواهيد
حـــلال عـســرات الامــور بـجـبـاره

عـز الصديق وميزته للعدو كيد
ونـفسـة خـفـيـفـة لـلـقـرايـب وجــاره

والطيب له ميزات عند الأجاويد
والـطـيّـب الجـبـار يـفــرض وقـــاره

يـاطيـر شلوى ياسطًام الأضاديد
يـلي قـنصت الطيب وانت اللي بداره

فزعتلي فـي مبهمات(ن) معاقيد
يــوم الـردي حـيشَـاك تكثر عذاره ؟

لونّك أبن عـم(ن) ولا بيننا حيـد
مـا كـل رجـل(ن) بالمعـالي أفكـاره

ولا كل رجل(ن)بالعلا له مصاعيد
أحـد(ن) يجنـب نـظرتـه بـإنحــداره

أنتـه هـديـب الـشـام ذيـب الأواليـد
ذيـب(ن) يحـلل مـا بحـل بـإقـتـداره

ومن لابة(ن) بالطيب لهم مواريد
شــمـــر صـنـاديـد الـقبـايـل حــراره

من روس صفران السناعيس تحديد
وشــمــر عـمومـة تـعتلـي فــي دواره

يــوم الـمـلاقــا مـبعـديـن الـمـلاكيـد
عـوق الـضديـد اللي كثير(ن) اشراره

لـيدلـهم بـالجــو مــثـــل الـــرواعيد
يــروى ضـديــده بـالـلقـاء مـن مـراره

شــمــر زمـول يـارغـن المـفاريـد
عـــوق الـعنيـد لـيـا أنـعـوج هــم دمـاره

تعـرف موافقهم عـلى الكود والكيد
صيـارم(ن) بـالكـون تـرخـص عَماره

شمـر كرام الضيف من غير تعديد
بـصـيـانـي(ن) عـنـد الـقبـايـل خـبـاره

كـلمـة هــلا بـالـضيـف لـهـم تقاليد
وتـاريـخهـم كــل حــي يـقـرأ سـطـاره

ولا أسـب خـلـق الله فـيهـم أجـاويد
والـنـاس كــل(ن) دون حـقـه أســواره

هـذا الـكـلام الـلـي نظـمناه يـامهيد
وراع الـمثـل يـمـهيـد مــا أخـذ لثـــاره

يا الليث يابـن الليث لو قلت وأعيد
يـقيــف قـافــي والــوفــاء بـه غـــزاره

قـلتـه عـلــى بـرهـان مـابه قثاريد
وقــول الـحـقـايــق مـايـعاكـس مـســاره

وصـلاة ربــي عـد مـايثمـر الغيد
عـلــى الـنبـي أعـداد مـمطـر امـطــاره

الشاعر/ منيزل سرفاح الهليل الشمري

» قصيدة مدح بالشيخ محسن عجيل الياور الجربا شيخ مشايخ شمر
» قصيدة مدح وترحيب بالشيخ الدكتور نواف المحمد النواف العبد الكريم آلـجـربــــــــا
» اقوى قصيدة مدح على الأطلاق